Ўзбекистон Суперлигаси 4-туридан қолдирилган учрашувда “Хоразм” жамоаси сафарда “Қизилқум” устидан ишончли ғалабага эришди. Навоийдаги “Ёшлик” стадионида бўлиб ўтган баҳсда урганчликлар рақиб дарвозасига жавобсиз учта гол уриб, 3:0 ҳисобида зафар қучди.

Ҳисоб 11-дақиқада очилди — Ҳумоюнмирзо Иминов аниқ зарба билан “Хоразм”ни олдинга олиб чиқди. 41-дақиқада Мурод Бобожонов фарқни икки бараварга оширди.

Иккинчи бўлим ҳам кескин курашлар остида ўтди. Ҳар икки жамоа ҳужумкор ўйин намойиш этди. 75-дақиқада “Қизилқум” футболчиси Жаба Жигаури қизил карточка олиб, жамоасини майдонда бир киши кам ҳолатда қолдирди.

Ушбу устунликни яхши фойдаланган “Хоразм” 90+2-дақиқада учинчи голини киритди. Ҳазрат Турсунқулов якуний нуқтани қўйиб, жамоасининг йирик ҳисобдаги ғалабасини таъминлади.

Мазкур натижадан сўнг “Хоразм” очколарини 14 тага етказиб, турнир жадвалида 4 поғона юқорилаб 8-ўринга кўтарилди. 11 очкога эга “Қизилқум” эса 11-ўринда қолмоқда.

Ўзбекистон Суперлигаси

4-тур (қолдирилган баҳс)

6 июнь, жума

“Қизилқум” — “Хоразм” 0:3

Голлар: 0:1 — Иминов (11), 0:2 — Бобожонов (41), 0:3 — Турсунқулов (90+2).