"Монако" рахбарлари марказий офисларини Монте-Карлодан Франция ҳудудига 1 июльдан кечиктирмай кўчиришлари зарур. Франция давлат кенгаши суди клуб вакилларининг ушбу қарор юзасидан берган апелляциясига ҳам рад жавобини берган.
Айтиш жоиз, суднинг ушбу қарордан мақсади "Монако"нинг бош идораси мамлакат ҳудудида жойлашган тақдирда француз қонунчилигида белгиланган тартибда давлат фойдасига солиқлар ундиришдир. Бунга асослар етарли, зеро клуб Монако князлигида жойлашган бўлсада, жамоа Франция чемпионатида иштирок этади.
Аввалроқ клубдагилар ҳукуматга ушбу масала юзасидан белгиланган вақт ичида ҳужжатларни тўплашга улгурмасликларини маълум қилганди.