"ПСЖ" дарвозабони Жанлуижи Доннаруммага АПЛнинг икки клуби қизиқиш билдирмоқда, дея хабар бермоқда L’Equipe.
Манбага кўра, 26 ёшли посбоннинг ҳолатини "Манчестер Сити" ва "Манчестер Юнайтед" клублари кузатиб бормоқда. Қайд этилишича, Доннарумма иккала вариантга ҳам моил ва у аллақачон Италия терма жамоасидаги баъзи шериклари билан Англияга кўчиб ўтиш имкониятини муҳокама қилган.
Аввалроқ, футболчининг трансферига "Бавария," "Реал," "Наполи" ва "Милан" клублари қизиқиш билдираётгани ҳақида хабарлар тарқалган эди.













