"Атлетик" ҳужумчиси Нико Уильямс ҳамон трансфер бозоридаги энг талабгир футболчилардан бири бўлиб қолмоқда. AS хабарига кўра, ёш футболчи учун асосий даъвогарлар Лондоннинг "Челси" ва "Арсенал" клублари ҳисобланади.
Манбанинг ёзишича, ҳар икки клуб ҳам трансфер амалга ошиши учун қўлидан келган барча ишни қилмоқчи. Аввалроқ, Уильямснинг Испанияда қолиш истаги борлиги ҳақида миш-мишлар тарқалган эди, аммо "Барселона"нинг келишувни амалга ошира олмаслиги Никони хорижга кетиш ҳақида ўйлашга мажбур қилиши мумкин.
Эслатиб ўтамиз, Уильямснинг шартномасида 55 миллион евро товон пули кўрсатилган, бироқ битим катта агентлик тўловларини ҳам талаб қилади. Бильбаонинг "Атлетик" клуби ҳозирда ўз тарбияланувчиси билан шартномани узайтириш устида ишламоқда.
