Машҳур собиқ футболчи Клод Макелеле клублар ўртасидаги жаҳон чемпионатида "Атлетико"нинг "ПСЖ"га қарши ўйинидан сўнг Антуан Гризманнга мурожаат қилди.
"Матрасчилар" 0:4 ҳисобида ютқазди, 34 ёшли ҳужумчи қаторасига 17-ўйинда гол ура олмади.
"Мен ўйин ҳақида эмас, сен ҳақингда гапиришни афзал кўрардим. Менга сенинг ўйининг, узатмаларинг, ҳаракатларингнинг соддалиги ёқади, лекин бу тактик тизимда доим ҳимояланиш кераклиги сени хафа қилмайдими? Мен бориб Симеонега айтаман, сенга кўпроқ футбол ўйнашга рухсат берсин. Тўғрисини айтсам, бу сенга оғирлик қила бошлагандек туюляпти," - деди Макелеле Гризманнга ўйиндан кейин.
