Бильбаонинг "Атлетик" клуби вингери Нико Уильямс фаолиятини Ла Лига гигантларидан қайси бири билан давом эттиришни хоҳлашини ҳал қилди.
"Атлетик"ни тарк этиши кутилаётган 22 ёшли футболчи "Реал Мадрид" таклифини рад этиб, "Барселона"га ўтишга тайёр эканлигини маълум қилди, деб хабар беради Catalunya Radio.
Яқинда маълум бўлишича, испанияликнинг агенти аллақачон "кўк-анорранглилар"га мижозининг хоҳиш-истаклари ҳақида айтган. Каталония клуби футболчи борасида музокаралар олиб бормоқда. Ўтган ёзда Нико Уильямс "Барселона"га ўтишни рад этганди. Трансфер амалга ошиши учун амалдаги Испания чемпиони 58 миллион евролик товон пулини фаоллаштириши керак.
