Франциялик ярим ҳимоячи Поль Погба тахминан икки ҳафтадан бери "Монако" билан унинг трансфери бўйича музокаралар олиб бормоқда. Бироқ футболчи ҳалигача клуб билан шартнома имзоламаган. L’Equipe нашри хабарига кўра, Погба Саудия Арабистонидан таклиф кутиши мумкин, шу боис у француз клуби билан ўзини мажбуриятлар билан боғлашга шошилмаяпти.

Эслатиб ўтамиз, допинг истеъмол қилгани учун Погбанинг тўрт йиллик дисквалификацияси 18 ойгача қисқартирилди. Шундай қилиб, Франция терма жамоасининг собиқ футболчиси март ойидаёқ дисквалификация муддатини ўтаб бўлган эди. ОАВ маълумотларига кўра, Погбага "Монако"дан ташқари "Марсель" ҳам қизиқиш билдирмоқда. Ўйинчининг ўзи ҳали келажаги ҳақида якуний қарорга келмаган.