Лондоннинг "Челси" клуби "Фламенго"нинг ўнг қанот ҳимоячиси Уэслига қизиқиш билдирмоқда.

21 ёшли футболчи клублар ўртасидаги жаҳон чемпионатида "кўклар" устидан 3:1 ҳисобида ғалаба қозонди. Журналист Диого Дантаснинг маълум қилишича, инглиз гранди вакиллари Уэслининг ўйинини учрашув давомида кузатиб боришган ва баҳс якунлангач, унинг эҳтимолий трансфери ҳақида маълумот сўрашган.

Футболчига аввалроқ "Манчестер Сити," "Зенит," "Рома," "Барселона" ва бошқа кўплаб клублар қизиқиш билдирганди. Таниқли "Transfermarkt" портали мутахассислари терма жамоада икки марта ўйнаган умидли бразилияликнинг нархини 20 млн еврога баҳоламоқда.