Лондоннинг "Челси" клуби ҳужумчи Николас Жексоннинг нархини аниқлаб олди.
Сенегаллик футболчига А Серия клублари қизиқиш билдирмоқда - хусусан, яқинда хабар қилинганидек, футболчига "Ювентус" даъвогарлик қилмоқда. Инсайдер Фабрицио Романонинг маълум қилишича, "Челси" Жексон учун тахминан 55-60 млн евро сўрамоқда. Ҳужумчини сотиб олишдан Англия премьер-лигасининг номи ошкор этилмаган вакиллари ҳам манфаатдор. Манбанинг фикрича, трансфер амалга ошиши эҳтимоли катта, аммо итальян клублари юқоридаги нарх бўйича келишувни амалга ошира олмайди.
Николас Жексон жорий мавсум 36 та ўйинда 13 та гол ва 6 та ассистни ўз ҳисобига ёздириб қўйди.
