Келаётган мавсум Роберт Левандовски учун "Барселона"даги сўнггиси бўлади.

"Кўк-анорранглилар" раҳбарияти польшалик ҳужумчи билан 2026 йилнинг ярмигача мўлжалланган амалдаги шартномаси якунлангач хайрлашишни режалаштирмоқда. Diario Sport нашри тарқатган хабарга кўра "Барселона"да Левандовскининг ўрнини эгаллаши мумкин бўлган футболчи Мадриднинг "Атлетико" клубидан Хулиан Альварес ҳисобланади. Аргентиналик футболчи каталониялик гранднинг трансфер бозоридаги илк танлови ҳисобланади.

"Матрасчилар"нинг 25 ёшли ҳужумчиси Transfermarkt портали томонидан 100 млн еврога баҳоланмоқда. Футболчининг мадридликлар билан шартномаси 2030 йилга қадар амал қилади.