Мадриднинг "Реал" клуби марказий ярим ҳимоячиси Эдуардо Камавинга Англия Премьер-лигасига кўчиб ўтиши мумкин. Бу ҳақда журналист Себастьян Видаль хабар бермоқда.
Манбага кўра, Лондоннинг "Арсенал" клуби Томас Партининг келажаги ноаниқлиги фонида Камавингага бўлган қизиқишни қайта тиклаган. Яқинда "канонирлар" Камавинга мавсумни беқарор ўтказганидан кейин вазиятни ўрганиб чиқишди. Таъкидланишича, "Реал" жуда катта молиявий таклиф олмаса, футболчини сотмайди.
Камавинга жорий мавсум барча мусобақаларда 35 та ўйинда майдонга тушиб, 2 та гол урди ва 2 та голли узатмани ўз ҳисобига ёздириб қўйди.
