Ҳужумчи Жонатан Дэвид фаолиятини Туркия чемпионатида давом эттириши мумкин.

Канадалик футболчига А Серия, Англия Премьер-лигаси ва Ла Лига вакиллари томонидан қизиқиш билдирилмоқда, бироқ кўплаб эҳтимолий харидорларни футболчининг катта молиявий талаблари қўрқитмоқда. Haber Global хабарига кўра, "Фенербахче" Дэвидга катта таклиф билан чиққан: ҳужумчи турк клубида уч йил ичида тахминан 55 млн евро ишлаб олиши мумкин. Дарвоқе, футболчи қарор қабул қилишга шошилмаяпти - у кимгадир розилик билан жавоб беришдан олдин Европадаги барча таклифларни ўрганиб чиқмоқчи.

Олдинги беш йил давомида Жонатан Дэвид Франциянинг "Лилль" жамоасида ўйнаган ва шартномаси тугаганидан кейин эркин агент сифатида кетган.