Дарвозабон Эмилиано Мартинес ёзги трансфер ойнасида "Астон Вилла"ни тарк этиши мумкин. Саудия Арабистонининг бой клублари жаҳон чемпионига фойдали таклиф билан чиқишга тайёр. Бироқ, The Athletic ўз саҳифаларида ёзишича, Яқин Шарқдаги вариантлар Мартинесни ўзига жалб қилмаяпти. 32 ёшли дарвозабон юқори савияда ўйнашда давом этишга қарор қилган, бунинг устига унинг рафиқаси Англияда бизнес юритади.
Аввалроқ, Эмилиано Мартинес "Манчестер Юнайтед"га ўтиши мумкинлиги ҳақида хабарлар тарқалган эди. "Қизил иблислар" Андре Онананинг жарима майдони ичидаги ишончсиз ўйинини инобатга олган ҳолда янги асосий дарвозабон қидирмоқда.
