Corriere dello Sport нашри хабарига кўра, "Милан" спорт директори Игли Таре яқинда Александр Зинченконинг "Арсенал"дан кетишини ташкиллаштириш билан шуғулланаётган воситачилар билан алоқага чиққан, чунки украиналик Тео Эрнандеснинг ўрнини эгаллаши мумкин.
Зинченко "Милан"га ёқади ва унинг трансфери энг ёрқин мавсум эмаслиги ва шартномаси бир йилдан кейин тугашини ҳисобга олсак, 20 миллион евродан камроққа тушиши мумкин. Футболчининг ўзи Италия клубига ўтишга тайёр ва ягона тўсиқ унинг юқори маоши - бу масала футболчининг агенти билан муҳокама қилинмоқда. Фаолиятини қайта йўлга қўймоқчи бўлган Зинченко ҳозирги маошини бир неча йилга тақсимлаб, Италия вариантига рози бўлиши мумкин. Аммо "Милан" чап қанот ҳимоячиси борасида бирор келишувга эришишдан аввал Тео Эрнандесни сотиб юбориши керак.
Қўшимча қиламизки, Зинченко 2024/25 йилги мавсумда "Арсенал" сафида барча мусобақаларда 23 та ўйинда майдонга тушиб, 1 та гол ва 1 та голли узатмани амалга оширди.
