"Бенфика" клуби "Барселона" ярим ҳимоячиси Пабло Торре трансферига қизиқиш билдирмоқда, деб хабар беради Sport.es.
Манбага кўра, қишки трансферлар вақтида 22 ёшли испаниялик футболчига "Порту" мурожаат қилган. Ўша сафар трансфер амалга ошмаганди. Португалия клубига ўтиш ғояси футболчини қизиқтириши мумкин эди, гарчи унга ўйин вақти кафолати керак бўлса ҳам.
2024/25 йилги мавсумда Торре "Барселона" сафида барча мусобақаларда 14 та ўйинда майдонга тушиб, 4 та гол урди ва 3 та голли узатмани амалга оширди. Унинг шартномаси 2026 йилнинг 30 июнига қадар амал қилади.
