"Реал" марказий ҳужумчиси Гонсало Гарсия клубини ўзгартириши мумкин.

Defenca Central хабарига кўра, 21 ёшли ҳужумчи клублар ўртасидаги ЖЧ - 2025 даги ўйини билан "Реал" раҳбариятини шунчалик ҳайратга солганки, асосий жамоада атиги саккизта ўйин ўтказганига қарамай, дарҳол унга 35 миллион евро атрофида нарх қўйилган. Аввалроқ, "Реал" Гарсияни ижарага бериш ҳақида ўйлаган бўлса, энди уни катта суммага сотишга тайёр. Шу билан бирга, манбанинг таъкидлашича, "қаймоқранглилар"да ҳужумчини сотиб юбориш мақсади йўқ, чунки у Килиан Мбаппе учун яхши ўринбосар бўлиши мумкин. Таъкидланишича, Гарсиянинг ўзи ҳам "Реал" таркибидаги ўрин учун курашмоқчи.

Жорий йилги КЎЖЧ-2025да испаниялик футболчи иккита ўйинда битта гол ва битта голли узатмани амалга оширди.