Бразилиялик ҳужумчи Малком Саудия Арабистонининг "Ал-Ҳилол" клубини тарк этиш ҳақида ўйламоқда. Бу ҳақда журналист Николо Скира ижтимоий тармоқлар орқали хабар бермоқда.
Манбага маълум бўлишича, "Барселона" ва "Зенит"нинг 28 ёшли собиқ футболчиси жорий трансфер ойнасида жамоасини ўзгартирмоқчи. Бразилиялик ҳужумчининг трансфер нархи 22 миллион еврога баҳоланмоқда.
Малком 2023 йилда Санкт-Петербургнинг "Зенит" клубидан Саудия Арабистони жамоасига ўтган эди. Ҳужумчи 2024/2025 йилги мавсумда "Ал-Ҳилол"нинг 46 та ўйинида иштирок этган. Бразилиялик футболчи ўз ҳисобига 13 та гол ва 17 та голли узатма ёзиб қўйган.













