"Фиорентина" "Женоа" ва Исландия терма жамоаси ҳужумчиси Альберт Гудмундссоннинг трансфер ҳуқуқини сотиб олди. Бу ҳақда Флоренция клуби расмий сайти хабар бермоқда.
Ўтган мавсумда Альберт Гудмундссон ушбу жамоада ижара асосида тўп тепган эди. 33 та ўйинда у саккизта гол урди ва учта голли узатмани амалга оширди. Transfermarkt сайти маълумотларига кўра, исландиялик футболчининг трансфер нархи 18 млн еврони ташкил қилмоқда.













