Леверкузеннинг "Байер" клуби ярим ҳимоячиси Гранит Жака Италия чемпионатига кетиши мумкин. Бу ҳақда инсайдер Жанлука ди Марцио хабар бермоқда.
Журналистнинг ёзишича, "доришунослар" 32 ёшли швейцариялик хавбек учун тахминан ўн миллион евро тўлашса, у билан хайрлашишга тайёр. Футболчини "Милан" ўз сафига қўшиб олмоқчи.
Жака Германия Бундеслигасининг ўтган мавсумида 33 та ўйин ўтказиб, 2 та гол ва 7 та голли узатмани ўз ҳисобига ёздириб қўйди.













