Каталониянинг “Барселона” клуби марказий ҳимоячиси Роналд Араухо ёзги трансфер ойнасида жамоадан кетиши мумкин. El Chiringuito нашрининг хабар беришича, 1 июлдан 15 июлгача уругвайлик футболчини исталган клуб 65 миллион евро тўлаш орқали ўз сафига қўшиб олиши мумкин.

Манбага кўра, 26 ёшли ҳимоячининг бозор қиймати кескин тушди. Transfermarkt портали Араухони 35 миллион еврога баҳоламоқда. Бу бир йил аввалги нархидан деярли икки баравар арзон. Шу сабабли, футболчи ва клуб ўртасидаги шартномада кўрсатилган 65 миллион евролик суммани тўлашга тайёр жамоалар сони жуда кам.

Италия нашрларига кўра, “Ювентус” Араухо учун 25–30 миллион евро атрофида таклиф тайёрламоқда.

Эслатиб ўтамиз, Араухо жорий йил январь ойида “Барселона” билан шартномасини 2031 йилгача узайтирган эди. Футболчи ўтган мавсум Ла Лига доирасида 12 та учрашувда майдонга тушиб, 1 гол ва 1 ассист қайд этди.