"Айнтрахт" ҳужумчиси Уго Экитикени Англиянинг бирданига учта топ-клуби трансфер қилишни истамоқда.
Нуфузли инсайдер Кристиан Фалькнинг Caught Offside нашрига маълум қилишича, 23 ёшли французга "Ливерпуль", "Челси" ва "Манчестер Юнайтед" клублари қизиқиш билдирмоқда. Немис клуби ўз етакчисини 100 млн еврога баҳоламоқда. Ҳозирча "Манчестер Юнайтед" ўзини бошқалардан фаолроқ кўрсатди - айнан "қизил иблислар," манба маълумотига кўра, франкфуртликлар билан аллақачон алоқага киришган, аммо ҳозирча расмий таклифлар бўлмаган.
"Ливерпуль"га келсак, мерсисайдликлар Дарвин Нуньесни сотгандан кейингина Экитике учун ҳаракат қилишга тайёр, клуб унинг трансферидан катта маблағ ишлаб олмоқчи. "Челси" вазиятни диққат билан кузатиб бормоқда, футболчига бошқа битимлар барбод бўлган тақдирда муқобил вариант сифатида қарамоқда.
