"Ливерпуль" яна бир футболчи билан шартнома имзолашга яқин турибди. Mirror нашри тарқатган хабарга кўра мерсисайдликлар тез орада ҳимоячи Марк Гехи билан шартнома имзолаш учун қулай имкониятга эга.
Манбага кўра, яқин кунларда барча манфаатдор томонлар ўртасида муҳим музокаралар бўлиб ўтади. Гехининг "Кристал Пэлас" билан амалдаги шартномаси яна бир мавсумга мўлжалланган ва Лондон клуби бир йилдан кейин футболчисини текинга йўқотмаслик учун уни сотиш фойдалироқ.
Transfermarkt портали 24 ёшли Марк Гехини 45 миллион еврога баҳоламоқда.
Бу ёзда "Ливерпуль" таркибига аллақачон Жереми Фримпонг, Флориан Вирц ва Милош Керкез келиб қўшилди.
