Лионель Мессининг биографи бўлган журналист Гильем Балаге юлдуз футболчининг жаҳон чемпионати - 2026 даги позицияси ҳақида гапирди.
"Кейинги жаҳон чемпионати? Ҳеч ким билмайди, фақат Мессининг ўзи. Ҳозир у шунчаки ўйиндан-ўйинга, турнирдан-турнирга ўтмоқда. Агар у шартномани узайтириб, Америкада қолса, вазиятни баҳолайди. Ҳозир эса Месси шунчаки қадам-бақадам юрибди.
Барча Мессини бир йилдан кейинги турнирда Аргентина терма жамоаси етакчиси сифатида кўришни истайди, аммо у якуний қарори қандай бўлишини ҳеч кимга айтмади. У ўз вақтида қарор қабул қилади. Жаҳон чемпионати - 2026 Мессининг терма жамоадаги сўнгги турнирига айланиши мумкин, деган шубҳа бор," - дея Балагенинг сўзларини келтиради BBC Sport.
Аргентина терма жамоаси аллақачон жаҳон чемпионати - 2026 йўлланмасини қўлга киритган ва у ерда совринни ҳимоя қилади.
