"Манчестер Сити" бош мураббийи Хосеп Гвардиола вингер Савионинг истиқболлари ҳақида фикр билдирди.

21 ёшли бразилиялик футболчи клублар ўртасидаги жаҳон чемпионатида "Ювентус"га қарши кечган сўнгги ўйин (5:2) қаҳрамонларидан бирига айланди.

"У ўзига айтиши керак: "Мен ҳал қилувчи роль ўйнашни истайман, гол уришни, голли узатмаларни амалга оширишни истайман" - шунда у ажойиб футболчига айланади. Ҳозирнинг ўзидаёқ у иккала қанотда ҳам ўйнашга қодир, жуда тезкор ва тактик жиҳатдан қандай ҳаракат қилиш кераклигини билади. Шунинг учун ҳам у бизга фойда келтиряпти. Ундан мамнунман," - деди Гвардиола "Ал-Ҳилол"га қарши 1/8 финал ўйини олдидан.