"Барселона" ҳали ҳам Нико Уильямс билан боғлиқ муаммолар фонида Луис Диас вариантини кўриб чиқмоқда.

Аввалроқ, клуб ва "Атлетик" вингери Уильямснинг агенти ўртасидаги музокаралар сўнгги кунларда боши берк кўчага кириб қолгани хабар қилинганди. Футболчи шартномада рўйхатдан ўтиш кафолатларини кўрсатмоқчи, каталонияликлар эса унинг позициясидан норози.

Mundo Deportivo хабарига кўра, ҳозирги вазиятда "Барса" ҳамон клуб спорт директори Декунинг биринчи танлови бўлган Луис Диасга қизиқиш билдирмоқда. "Ливерпуль" вингери Никодан каттароқ, аммо у универсалроқ, чунки у "тўққизлик" позициясида ҳам ўйнай олади ва юқори даражадаги мусобақаларда катта тажрибага эга.

Муаммо шундаки, "Ливерпуль" "блауграна" билан музокара ўтказишни истамади ва колумбиялик футболчининг агенти клубга етарлича босим ўтказа олмади. Таъкидланишича, Деку ҳеч қачон Диас номзодидан воз кечмаган. У шартнома имзоланмагунча ва товон пули тўланмагунча Уильямс бўйича келишув кафолатланмаганини тушунади.