"Ливерпуль" собиқ бош мураббийи Юрген Клопп жамоа ҳужумчиси Диогу Жотанинг ўлими ҳақидаги хабарга муносабат билдирди.

Португалиялик йўл-транспорт ҳодисасида укаси Андре билан бирга ҳалок бўлган.

"Диогу ва унинг укаси Андренинг ўлими ҳақидаги хабардан сўнг қайғуга ботдим. Диогу нафақат фантастик ўйинчи, балки ажойиб дўст, меҳрибон ва ғамхўр эр ва ота эди. Биз сени жуда соғиниб қоламиз! Бутун дуоларим, ўй-хаёлларим ва куч-қувватим Рут (Жотанинг хотини), уларнинг болалари, оиласи, дўстлари ва уларни севган барча кишилар билан бирга", - деб ёзди Клопп ижтимоий тармоқда.

Диогу Жота "Ливерпуль"да беш мавсум ўтказди. У 28 ёшда эди...