Жамол Мусиалада кичик болдир суягининг синиши тасдиқланди.
"Бавария" клублар ўртасидаги ЖЧ 1/4 финалида "ПСЖ"га ютқазиб қўйди (0:2).
Биринчи бўлимга қўшиб берилган 3-дақиқада "ПСЖ" дарвозаси томон югуриб бораётган Мусиала жарима майдони ичида Жанлуижи Доннарумма билан тўқнашиб кетди, тўпиғидан жароҳат олди. Унинг чап оёғи ғайритабиий тарзда қайрилиб кетди. Хавбекни майдондан замбилда олиб чиқиб кетишди.
Мусиаланинг кичик болдир суяги синган, деб хабар бермоқда Sky Sport журналисти Кэрри Хау. Футболчи Мюнхенга етиб келиши билан операция қилинади.
Шундан сўнг у камида 4 ой лазаретда бўлиши кутилмоқда. 22 ёшли футболчи мавсумнинг асосий қисмини ўтказиб юборади.
