Мадриднинг "Реал" клуби ҳужумчи Гонсало Гарсияни нима қилишни ҳали ҳал қилгани йўқ. Испаниялик футболчи клублар ўртасидаги жаҳон чемпионатида ўзини кўрсатди ва бешта ўйинда тўртта гол урди ва бир марта голли узатмани амалга оширди. 21 ёшли ҳужумчи "қаймоқранглилар"нинг асосий таркибига доимий равишда кириб олиши қийин бўлади, айни пайтда унга бўлган талаб трансфер бозорида шиддат билан ўсиб бормоқда. Marca хабарига кўра, "Реал" раҳбарияти Гарсиа билан унинг КЎЖЧдан кейинги келажагини муҳокама қилади. Якуний қарор ҳали қабул қилинмаган.

Аввалроқ турли манбалар бир-бирига қарама-қарши маълумотлар билан ўртоқлашганди: қаердадир Мадрид гранди истиқболли тарбияланувчини сақлаб қолмоқчи экани ҳақида хабарлар пайдо бўлган бўлса, қаердадир ёзда уни сотишга тайёрлиги айтилганди.