"Ноттингем Форест" вингери Энтони Эланга фаолиятини Англия Премьер-лигасининг бошқа бир клуби "Ньюкасл"да давом эттиради.
"Қарғалар" ва "ўрмончилар" битим шартларини келишиб олишди. Нуфузли инсайдер Фабрицио Романо маълумотига кўра, трансфер қиймати 55 млн фунтни (тахминан 64 млн евро) ташкил қилади. Шведнинг ўзи билан ҳам келишувга эришилган - у узоқ муддатли шартнома имзолайди.
Энтони Эланга 2023 йилда "Манчестер Юнайтед"дан 16 млн евро эвазига "Ноттингем Форест"га ўтганди. Англия чемпионатининг ўтган мавсумида 23 ёшли футболчи 38 та ўйинда 6 та гол ва 11 та ассистни ўз ҳисобига ёздириб қўйди.













