Родриго Де Пауль "Интер Майами"га ўтишга яқин турибди.

Аввалроқ Лионель Месси ўйнаётган клуб 31 ёшли ярим ҳимоячининг трансфери бўйича "Атлетико" билан музокара бошлагани ҳақида хабар берилганди.

Журналист Гастон Эдуланинг сўзларига кўра, музокаралар аллақачон жиддий олға сурилган.

Катта эҳтимол билан МЛС клуби 15 миллион евро товон пули тўламайди, балки унга яқин миқдорни тўлайди. "Атлетико" футболчини сотишга тайёр.

Шунингдек, “Интер Майами” аргентиналик футболчи билан шартнома имзолаши кутилмоқда.

Родриго Де Паул 2021/22 йилги мавсумдан бери “Атлетико”да ўйнамоқда. Ўтган мавсумда у Ла Лигада 34 та ўйинда майдонга тушиб, 3 та гол урди ва 5 та голли узатмани амалга оширди.