Энцо Мареска "Челси" билан иккинчи совринни - клублар ўртасидаги жаҳон чемпионатини қўлга киритди.
АҚШда бўлиб ўтган КЎЖЧ финалида лондонликлар "ПСЖ"ни тор-мор этди (3:0).
Аввалроқ, 2024/25 йилги мавсумда "Челси" Конференциялар Лигасида ғолиб чиққан, шунингдек, АПЛ турнир жадвалида 4-ўринни эгаллаганди. Жамоа Мареска қўл остида биринчи мавсумни ўтказмоқда - италиялик мутахассис жамоани 2024 йилнинг ёзида қабул қилиб олган.
У аввалроқ "Парма" ва "Лестер" клубларини бошқарган ва улар билан қуйи лигаларда чемпионликни қўлга киритган. У "Ман Сити" бошчилигида ёшлар ўртасида ҳам АПЛ ғолиби бўлган. Бироқ, юқори даражада унинг "Челси" билан совринлари фаолиятидаги биринчиси ҳисобланади.
