Франциянинг "ПСЖ" клуби жамоа дарвозабони Жанлуижи Доннарумма билан шартномани узайтириш борасида қийин музокаралар олиб бормоқда. Бу ҳақда инсайдер Николо Скира Х ижтимоий тармоғида хабар берди.
Манба берган хабарга кўра, парижликлар клуби 26 ёшли италиялик дарвозабонга маошини камайтирган ҳолда шартномани узайтиришни таклиф қилган. Қайд этилишича, Доннарумманинг амалдаги шартномаси 2026 йилнинг ёзида тугайди, унинг даромади йилига 12 миллион еврони ташкил қилади. Таъкидланишича, футболчининг ўзи жамоада қолиш ниятида бўлса-да, томонлар ҳалигача келишувга эришмаган.
Аввалроқ "Манчестер Сити" ва "Бавария" Доннарумма учун курашга қўшилгани маълум бўлганди. Transfermarkt порталига кўра, футболчининг тахминий баҳоси 40 миллион еврони ташкил қилади. Ўтган мавсумда Жанлуижи барча турнирларда 47та ўйинда майдонга тушиб, 43та гол ўтказиб юборган. Шунингдек, италиялик футболчи 17 та голсиз ўйинга эга.
