"Ньюкасл"нинг ўнг қанот вингери Энтони Эланга жамоа форварди Александр Исак ҳақида фикр билдирди.

"Алексдек даражадаги футболчи атрофида доим шов-шув бўлади. Аммо у ҳар доим максимал даражада диққатини жамлаган ҳолда қолади.

Ҳар сафар Алекс билан суҳбатлашганимда, у доим ижобий кайфиятда бўлади. Унинг машғулотларда кўрсатадиган концентрация даражаси ақл бовар қилмайдиган нарса. У билан бирга машқ қилишни давом эттириш имкониятини сабрсизлик билан кутмоқдаман.

Менимча, у - дунёнинг энг яхши ҳужумчиси. Бунинг устига у ажойиб инсон, мен ҳар доим ундан маслаҳат сўрашим мумкин. У ҳар доим ёрдам беришга тайёр. Мен уни жуда қадрлайман.

Унинг клубда бўлиши фантастика. Албатта, у "Ньюкасл"га ўтиш қароримга таъсир кўрсатди, аммо бошқа футболчилар ҳам муҳим роль ўйнади," - деди Эланга.

Эслатиб ўтамиз, 11 июль куни "Ньюкасл" Эланга билан шартнома имзолаган эди.