Италиянинг "Милан" клуби собиқ устози Фабио Капелло клубнинг харидларига баҳо берди - хусусан, у хорватиялик тажрибали ярим ҳимоячи Лука Модрич фойдали бўладими ёки йўқлиги ҳақида гапирди.
"Ўйлайманки, Модрич майдон марказида жуда фойдали бўлади ва Риччини тезроқ ўсишига ёрдам беради, у ҳам ажойиб, лекин индивидуаллик нуқтаи назаридан қўшиши керак. Аллегри ишонадиган Фофана бор, агар Яшари келса, у ҳам ажойиб бўлади," - дея Капеллонинг сўзларини келтиради pianetamilan.it.
Эслатиб ўтамиз, Лука Модрич бунгача Мадриднинг "Реал" клубида тўп сурган. А Сериянинг янги мавсуми август ойининг иккинчи ярмида бошланади.
