Миланнинг "Интер" клуби ҳужумчиси Меҳди Тареми клубини ўзгартиришга тайёргарлик кўрмоқда.
"Нерадзуррилар" раҳбарияти 33 ёшли футболчига ортиқ ишонмаяпти ва уни жорий трансфер ойнасида сотиб юборишни режалаштирмоқда. Журналист Жанлуижи Лонгарининг сўзларига кўра, Таремининг атрофидагилар ҳужумчи учун янги клуб топиш устида фаол ишламоқда. Туркиянинг "Бешиктош" клуби билан музокаралар олиб борилмоқда, шунингдек, Англиянинг "Вест Хэм" ва "Фулхэм" клублари ҳам футболчини сотиб олиш имкониятини кўриб чиқмоқда.
Мехди Тареми "Интер"га ўтган йилнинг ёзида "Порту"дан эркин агент сифатида ўтган эди. Transfermarkt талқинига кўра, эронлик футболчининг нархи 3,5 млн еврони ташкил этади.
