"Реал" дарвозабони Андрей Лунин ўтган мавсумдаги кам ўйин амалиёти олгани ва "Вильярреал"нинг қизиқишига қарамай, Мадрид клубида қолишга қарор қилди, деб хабар беради ESTADIO Deportivo.
Манбага кўра, "сариқ сувости кемаси"нинг таклифи Ла Лига ва Чемпионлар Лигасида барқарор ўйин амалиётига эга бўлиш учун имкониятдек кўринган, бироқ футболчининг ўзи бошқа қарорга келган: у фаолиятини Мадридда давом эттириш ва янги мавсумдан "Реал"ни бошқарадиган Хаби Алонсо ишончи учун курашиш ниятида.
Испания ва ундан ташқаридаги қизиқишларга қарамай, Лунин бу ёзда клубни тарк этмоқчи эмаслигини аниқ айтди.
