"Real" darvozaboni Andrey Lunin o‘tgan mavsumdagi kam o‘yin amaliyoti olgani va "Vilyarreal"ning qiziqishiga qaramay, Madrid klubida qolishga qaror qildi, deb xabar beradi ESTADIO Deportivo.
Manbaga ko‘ra, "sariq suvosti kemasi"ning taklifi La Liga va Chempionlar Ligasida barqaror o‘yin amaliyotiga ega bo‘lish uchun imkoniyatdek ko‘ringan, biroq futbolchining o‘zi boshqa qarorga kelgan: u faoliyatini Madridda davom ettirish va yangi mavsumdan "Real"ni boshqaradigan Xabi Alonso ishonchi uchun kurashish niyatida.
Ispaniya va undan tashqaridagi qiziqishlarga qaramay, Lunin bu yozda klubni tark etmoqchi emasligini aniq aytdi.
