"Астон Вилла" футболчиси Жейкоб Рэмзи "Тоттенхэм"нинг трансфер мақсадига айланди.
"Шпорлар" 24 ёшли футболчини жорий трансфер ойнасида сотиб олиш имкониятини жиддий кўриб чиқмоқда, деб хабар беради журналист Себастьян Видал.
"Астон Вилла" иккала қанотда ҳам, майдон марказида ҳам ўйнай оладиган ярим ҳимоячи учун тахминан 50 миллион фунт (деярли 58 миллион евро) сўрамоқда.
Жейкоб Рэмзи ўтган мавсумда Унаи Эмери жамоаси сафида 45 та ўйинда майдонга тушиб, 4 та гол урди ва 7 та голли узатмани амалга оширди.













