Кот-д'Ивуарлик марказий ҳимоячи Эрик Байи Саудия Арабистонининг "Ал-Нажма" клуби футболчисига айланмайди. Бу ҳақда инсайдер Фабрицио Романо хабар берди.
Манбага кўра, томонлар бўлажак шартнома шартларини келишиб олишган, бироқ якуний босқичда 31 ёшли футболчи трансфердан бош тортишга қарор қилган ва музокараларни тўхтатган. Байи яқинда эркин агент бўлди - унинг "Вильярреал" билан шартномаси 2025 йилнинг 1 июлида якунига етди.
Фаолияти давомида у "Эспаньол", "Марсель", "Бешиктош", "Манчестер Юнайтед" ва "Вильярреал" каби клубларда ўйнаган. Transfermarkt маълумотларига кўра, футболчининг бозор нархи 2 миллион еврони ташкил қилади.
