Италиянинг "Аталанта" жамоаси мухлислари учун нохуш хабар эълон қилди. Клубнинг ижтимоий тармоқлардаги хабарига кўра, ҳимоячи Митчелл Баккер жиддий жароҳат олган, шу сабабли у узоқ вақт майдонга туша олмайди.
Футболчида ўнг тиззанинг олдинги хочсимон боғлами ёрилганлиги аниқланди. Жароҳат жамоанинг машғулотларидан бирида содир бўлди. 28 июль куни футболчи операция қилиниши маълум бўлди. Тахминларга кўра, қайта тиклаш учун камида ярим йил керак бўлади.
Баккер ўтган мавсумни Франциянинг "Лилль" клубида ўтказди ва у ерда ижара асосида ўйнади. Унинг ҳисобида 24 та ўйин, учта гол ва иккита голли узатма бор.
