"Реал" таркибдаги ўзгаришларни режалаштиришда давом этмоқда. AS саҳифаларида Мадрид жамоасининг беш нафар футболчисининг келажаги ноаниқ эканлигини ҳақида материал эълон қилинди. "Реал" Давид Алаба, Ферлан Менди ва Родриго билан хайрлашишга тайёр, аммо Дани Себальос ва Эндрик борасида иккиланмоқда.
Журналистларнинг таъкидлашича, Алаба катта маоши борлиги сабаб жамоада қолмоқчи. "Реал" кетишдан олдин австриялик футболчига маошининг бир қисмини тўлашга тайёр, аммо бу футболчига ёқмаяпти. "Қаймоқранглилар" Мендини ҳам сотишга тайёр - у Каррерас билан шартнома имзолаганидан кейин чап қанот ҳимоячиси позициясида учинчи танлов бўлди. Родриго ҳам асосий таркиб бўйича мураббий режаларида йўқ. Футболчи қолишни истаётганини кўрсатмоқда, бироқ якуний қарорни Хаби Алонсо билан суҳбатдан сўнг қабул қилади.
Себальосга келсак, у "Реал"ни фақат янги футболчи келсагина тарк этади. Эндрик эса ижарага кетиши мумкин.
Хаби Алонсо 4 август куни футболчилар билан мулоқот қилади.
