Мадриднинг "Реал" клуби мавсумлар оралиғида 8та ўртоқлик учрашувида майдонга тушади. Карло Анчелотти жамоаси "Лион", "ПСЖ", "Ювентус", "Эвертон", "Челси", "Лон-Анжелес Гэлакси", "Интер" ва "Ал-Садд" клубларига қарши ўйнайдилар. Бу ҳақда AS газетаси хабар берган.
Жамоа термаларда ўйнайдиган футболчиларсиз илк йиғинини 15 июль куни бошлайди. Конфедерациялар кубогида иштирок этаётганлар 22-24 июль оралиғида машғулотларга қўшилади.
Туркиядан берилаётган хабарларга кўра, "қироллик клуби" "Галатасарой" билан ҳам учрашади. Сўнг мадридликлар "Лион" ва "ПСЖ" билан ўйнашади ҳамда АҚШга жўнаб кетадилар. Океан ортида "Гэлакси", "Интер", "Эвертон" ёки "Ювентус"га қарши ўйинлар орқали янги мавсумга тайёргарлик кўрилади.
Сўнгги ўйин эса "Реал"нинг байроқдор футболчиси Раулнинг хайрлашув учрашуви бўлиб, "Ал-Садд" билан бўладиган ўйин АҚШ турнеси тугагач ўтказилади.