"Манчестер Юнайтед"нинг собиқ ҳужумчиси Луи Саа собиқ жамоасига таклиф билан чиқди. Унинг айтишича, "қизил иблислар" "Ювентус"дан Душан Влаховични сотиб олиш орқали ҳужумдаги муаммоларини ҳал қилишлари керак.

"Мана "Манчестер Юнайтед" қидираётган ҳужумчи. Унинг статистикаси яхши, у тажрибага эга, менинг назаримда бу яхши харид бўлади. Жамоага кафолатли, характерли тўпурарлар керак. Айни дамда уларда тимсол учун ўйнашга иштиёқи йўқ тўрт нафар футболчи бор, бу жуда ачинарли", - деди Саа Goal билан суҳбатда.

Ўтган мавсумда 25 ёшли сербиялик ҳужумчи клуб миқёсида 44 та ўйинда майдонга тушиб, 17 та гол урди ва 5 та голли узатмани амалга оширди. Влаховичнинг бозор қиймати 35 миллион еврога баҳоланмоқда.