"Манчестер Юнайтед" бош мураббийи Рубен Аморим жамоасининг Премьер-лиганинг янги мавсумига тайёргарлигига баҳо берди ва инглиз жамоасининг ўртоқлик ўйинларидаги ўйини ҳақида гапирди.
"Футболчилар анча яхши ўйнашмоқда, чунки улар бир-бирлари билан яхши муносабатда бўлишади. Нафақат майдонда, балки ундан ташқарида ҳам. Улар кучлироқ ва тезроқ бўлишди. Албатта, ҳозир бу фақат мавсумолди. Лекин шиддат бутунлай бошқача эканлигини аллақачон кўриб турибсиз. Биз яхшиланиб бормоқдамиз", - деди манкунианликлар бош мураббийи.
"Манчестер Юнайтед" мавсумолди тайёргарлик доирасида иккита ўртоқлик учрашуви ўтказди. Аввалига манкунианликлар "Вест Хэм" устидан ғалаба қозонишди (2:1), кейин эса "Борнмут"ни мағлуб этишди (4:1).
