Европа футбол ассоциациялари иттифоқи (УЕФА) Франциянинг "Пари Сен-Жермен" клубини Чемпионлар лигаси финал ўйинидаги мухлисларнинг хатти-ҳаракатлари учун жазолади. Тегишли маълумотлар ташкилотнинг расмий сайтида эълон қилинди.
"ПСЖ" мухлисларнинг майдонга чиқиши, пиротехникадан фойдаланиш ва трибуналар ташқарисига бегона нарсаларни улоқтириш каби бир қатор қоидабузарликлар учун жами 148 минг евро миқдорида жаримага тортилди.
Эслатиб ўтамиз, "ПСЖ" мухлислари еврокубоклардаги навбатдаги сафар учрашувига чипта сотиб олиш имкониятидан маҳрум бўлишди.













