"Барселона" молиявий қийинчиликларни бошдан кечирмоқда, шу сабабли футболчиларни сотишга муҳтож. Шу фонда ОАВда "кўк-анорранглилар"нинг қимматбаҳо футболчиларидан бири жамоани тарк этиши мумкинлиги ҳақида тез-тез миш-мишлар тарқалмоқда. Жамоани тарк этиш учун номзодлардан бири ярим ҳимоячи Фермин Лопес бўлиб, агар мавжуд маълумотларга ишонилса, "Манчестер Юнайтед" унинг учун 70 млн евро беришга тайёр. Инсайдер Фабрицио Романонинг таъкидлашича, "Барса" 22 ёшли хавбек билан хайрлашмоқчи эмас - клуб испаниялик футболчига тўлиқ ишонади.
Фермин Лопес ўтган мавсум Ханс-Дитер Флик жамоаси сафида 46 та ўйинда 8 та гол ва 10 та голли узатмани ўз ҳисобига ёздириб қўйди.
