"Барселона" футболчилари Марк-Андре тер Штегенни жамоа сардори сифатида қолдиришмоқчи.

Аввалроқ, клубда дарвозабоннинг ўзбошимчалик билан белидан жарроҳлик амалиётини ўтказгани ва тикланиш муддатидан норозилик борлиги маълум бўлганди.

Клуб ва мураббийлар штаби тер Штегенни сардорлик боғичидан маҳрум қилмоқчилиги ҳақида хабарлар тарқалган эди.

"Блауграналфр"нинг бир қатор футболчилари клубнинг Осиёдаги турнеси вақтида бу борада ўз фикрларини билдиришди.

"Мен учун Марк - ўтган мавсумдаги каби жамоа сардори. У жаҳон даражасидаги ўйинчи ва у кўп йиллардан бери шундай. У ҳар доим бор кучини клубга бағишлаган. Мен уни қўллаб-қувватлайман, билишимча, жамоа ҳам", - дейди яримҳимоячи Френки де Йонг.

Ферран Торрес, шунингдек, агар овоз берилса, немис яна сайланишига ишонч билдирди.

"Овоз бериш бўладими-йўқми, билмадим, биз буни муҳокама қилмадик. Аммо унинг тажрибаси ва бу ерда ўтказган йилларини ҳисобга олсак, тер Штеген сардор бўлади, деб ўйлайман", - деди "Барса" форварди.

Ҳимоячи Кубарси Cadena SER нашрига берган интервьюсида посбонни қўллаб-қувватлади: "Биз жуда хотиржаммиз. У бизнинг капитанимиз ва биз бундан хурсандмиз".

Бошқа футболчилар бу қадар аниқ фикр билдиришмади, шунчаки барчаси ойдинлашадиган овоз бериш бўлишини эслатишди, деб ёзади АS.