"Бавария" ҳужумчиси Луис Диас "Лион"га қарши шанба кунги ўртоқлик ўйинидан сўнг тиззасидаги оғриқдан шикоят қилди. Колумбиялик футболчи енгил оғриқдан сўнг яна ўзини яхши ҳис қила бошлади. Қисқа муддатли тиббий ёрдамдан сўнг Диас бош бармоғини юқорига кўрсатди ва бемалол юра бошлади. Бу ҳақда Bayern & Germany Германиянинг Sky телеканалига таяниб хабар бермоқда.
Эслатиб ўтамиз, "Бавария" "Лион"ни 2:1 ҳисобида мағлуб этди. Ўйинда ҳужумкор ярим ҳимоячи Майкл Олисе дубль муаллифи бўлди. Луис Диас бу ўйинда "Бавария" сафида дебют қилди. Яқинда колумбиялик футболчи "Ливерпуль"дан Мюнхен клубига ўтганди.
"Бавария" учун янги мавсум 16 август куни Германия Суперкубоги доирасида "Штутгарт"га қарши ўйин билан бошланади.













