Мавсум олдидан Осиё турнеси давомида “Тоттенхэм” ва “Ньюкасл” жамоалари ўзаро баҳсда иштирок этиб, 1:1 ҳисобида дуранг ўйнади.
Жеймс Мэддисон 75-дақиқада захирадан майдонга тушди, аммо 86-дақиқада алмаштирилди.
"Шпорлар" ярим ҳимоячисини майдондан замбилда олиб кетишди.
Футболчи эҳтимол, жиддий жароҳат олган бўлиши мумкин ва мавсум бошланишини ўтказиб юбориш хавфи бор.
28 ёшли футболчининг ҳолати ҳақидаги хабарлар ҳали янгиланмади. Эслатиб ўтамиз, Мэддисон тиззасидан олган жароҳати туфайли ўтган мавсумнинг сўнгги қисмини ўтказиб юборганди.
