"Манчестер Юнайтед" янги бош мураббийи Давид Мойес жамоа ҳужумчиси Уэйн Руни ва унинг вакили билан сешанба куни учрашиб, суҳбат ўтказади. Хабар муаллифи Daily Mail нашри.
Газетанинг маълум қилишича, бугундан расман бош мураббийликни бошлаган 50 ёшли шотландиялик мутахассис 27 ёшли ҳужумчини жамоада қолишга кўндириб кўради.
Рунининг ўзи эса "МЮ"ни тарк этмоқчи. Афтидан, унга "Арсенал" ва "Челси"да тўп суриш қизиқарлироқ кўринмоқда. Ўз навбатида "қизил иблислар" шуни маълум қилдики, агар Уэйн кетишни хохласа, ҳаридор 35 миллион фунт тўлаб қўйса, бас.
Қайд этиш жоиз, Рунига шунингдек "ПСЖ" ва "Реал" ҳам даъвогарлик қилаётгани ҳақида маълумотлар йўқ эмас.
